Němsko-hornjoserbski słownik

Pomoc k pytanju

Pytać njeje ćežko.

Kóžde naprašowanje wjedźe najprjedy k lisćinje wuslědkow z linkami k wotpowědnym słownikowym artiklam, kotrež wobsahuja pytane hesło. Tak namaka naprašowanje Zoll artikle Zoll¹, Zoll², Zoll~ – požadany artikl móže so z lisćiny přez kliknjenje wubrać. Jeli namaka so jenož jedyn artikl, wjedźe naprašowanje bjezposrědnje k artiklej, na př. Zone.

K namakanju wjacesłownych wurazow dosaha zapodaće jeničkeho słowa do pytanskeho woknješka, ad namaka na př. ad absurdum, ad acta a ad infinitum; podobnje namaka naprašowanje technisch sćěhowace artikle: technisch, medizinisch-technisch, physikalisch-technisch a wissenschaftlich-technisch. Porjad słowow při tym wažny njeje, na př. wjedu naprašowanja sine non, qua non, non qua wšitke k artiklej Conditio sine qua non. Z pomocu pazorkow pytamy jenož dokładnje zapisanu frazu, "de jure" namaka na př. jenož de jure, nic pak de facto.

Hwěžka (*) zastupuje jednotliwy pismik abo wjacore pismiki. Tak hodźa so wšitke słowa namakać, kotrež so z wěstym dźělom słowa započnu, kónča abo kotrež jón srjedźa wobsahuja:

Na wulko-abo małopisanje so při pytanju njedźiwa. Naprašowanja FDJlerin, fdjlerin a FDJLERIN su runohódne a wjedu wšitke k wuslědkej FDJlerin.

Němske pismiki ä, ö, ü a ß hodźa so tež zapodać jako ae, oe, ue resp. ss. Tak wjedźetej naprašowani Mädesüß a Maedesuess k samsnemu wuslědkej Mädesüß. Nimo toho wobhladuja so při pytanju pisanja z f a ph jako runohódne, tak wjedźetej naprašowani Photographie a Fotografie k artiklej Photographie. Wobkedźbujće, zo podawaja so awtomatiske pytanske namjety jenož w mjeztym njeaktualnym originalnym prawopisu słownika, kotryž je w lětomaj 1989 a 1991 wušoł.